Pananaliksik Tungkol Sa Larong Dota

Epekto sa Pag-aaral ng Pagkahumaling at Pagkahilig sa Defense of the Ancient (D.O.T.A) ng mga mag-aaral na may Kursong Maritime Transportation at Computer Science sa Fernandez College of Arts and Technology.

Pananaliksik sa Filipino II

“Pagbasa at Pagsulat tungo sa Pananliksik”

Ipinasa nina:
Parungao, Marjorie B.
Herrera, Carla Mae D.

Ipinasa kay:
Bb. Rochelle Idago
Guro sa Filipino

Ika-17 ng Disyembre, 2012
Petsa

Tsapter I: Problema at Kaligiran ng Pag-aaral

1. Panimula
Ang kompyuter ay isang teknolohiya na ginagamit upang mapabilis ang mga gawain. Ito ay isang makina na binubuo ng monitor, Central Processing Unit (CPU), mouse at keyboard. Ito ay tumatanggap, nagpoproseso at nagbibigay ng “output data” sa pamamagitan ng tinatawag na “program’. Isa rin itong paraan na ginagamit sa pakikipagkomunikasyon, pag-iimbentaryo, pananaliksik at paglilibang. Kadalasan itong ginagamit sa pamamagitan ng pagkokompyut, paggawa ng presentasyon at iba pa.
Ang “addiction” o pagkahumaling ay sobrang paggamit o paggawa sa isang bagay, na maaring makaapekto sa pang-araw-araw na gawain. At may pagkairitang nararamdaman kapag hindi nagawa ng isang tao ang kanyang nakagawian. Parang hindi kumpleto ang araw ng isang indibidwal kung hindi nito nagawa ang kanyang nakahiligan. Ang “computer addiction” ay mayroong masamang epekto sa kalusugan ng tao. Dahil karamihan sa mga kabataan ngayon ay nagpapabaya sa kanilang sarili dahil sa kanilang nahiligang bagay.
Ang “computer games” ay ang mga larong inimbento ng mga tao. Ang nagpasimula nito ay si Steve Russell sa paggawa niya ng larong “Space War” na nasundan pa ng iba’t ibang klase ng laro na naimbento ng mga mahihilig o may sapat na kaalaman sa kompyuter.
2. Paglalahad ng Suliranin
Kaming mga mananaliksik ay nais bigyang pansin ang pagkahilig sa “Defense of the Ancient (DOTA)” ng mga kabataan upang